Nagpirma ti Department of Foreign Affairs (DFA) ken ti Korte Suprema iti katulagan a mangipasdek iti sentral a database dagiti linteg ti diborsio iti sabali a pagilian.
Panggep ti nasao a katulagan a mapadaras ken makissayan ti gastos iti proseso para kadagiti Pilipino nga agsapsapul iti pannakabigbig ti diborsioda iti ballasiw-taaw ditoy Pilipinas.
Segun kenni Foreign Affairs Secretary Ma. Theresa Lazaro, makatulong ti database tapno mapadaras ti proseso ti korte ken makissayan ti legal a gastos para kadagiti Pilipino iti ballasiw-taaw.
Inaprobaran pay ti Korte Suprema dagiti panagbalbaliw iti Rules of Court tapno saanen a kasapulan a paneknekan dagiti Pilipino ti linteg ti diborsio ti sabali a pagilian, ngem kasapulan pay laeng ti panangbigbig ti korte iti diborsio.
via Bombo Cyrelle Ann Rosario
