Mangi-deploy ti United Kingdom kadagiti fighter jets tapno salakniban ti Saudi Arabia kontra iti panangraut dagiti rebelde a Houthi idiay Yemen.
Segun iti UK Defense ministry, dagiti fighter jets ti Royal Air Force Typhoon ket addaan iti defensive counter air-missions.
Kabaelan dagiti nadakamat a jet ti mang-intercept kadagiti missile ken drone kontra iti Saudi Arabia.
Kadagiti napalabas a bulan, pinapigsa dagiti Houthi ti panangraut da iti Saudi Arabia babaen ti panangusar kadagiti ballistic missile ken drone.
Dagiti Iran backed – Houthi ket pinuntiria da dagiti kangrunaan nga imprastruktura a pakairamanan dagiti pasilidad ti petrolyo ken airports.
Ti UK ket nangited ti air-to-air refuelling support iti Saudi Arabia ken nagiwaras metten kadagiti air defense equipments ken nangideploy kadagiti British personnel tapno tumulong a mangsalaknib iti kingdom of Saudi Arabia.
~Bombo Kleo
