Rinugyan ti Department of Agriculture (DA) ti imbestigasion kadagiti imported a karne ti baboy tapno maammuan no makadangran dagitoy ti pagbiagan dagiti lokal a producers.
Segun ken ni Agriculture Secretary Francisco Tiu Laurel Jr., Saklawen ti imbestigasyon ti presko, frozen, ken dadduma pay a produkto ti karne ti baboy a naisangpet manipud 2021 agingga iti Agosto 2026, kalpasan a nadlaw ti panagbaba ti matgedan ken presio dagiti lokal a produkto ken ti panagngato ti karne nga aggapu iti sabali a pagilian.
Inlawlawag ti DA nga awan pay ti nainayon a buwis wenno taripa gapu ta masapul nga umuna a mapaneknekan no imports ti makagapu iti pannakapukaw dagiti lokal a producers.
Dagiti kangrunaan a pagtaudan ti imported a karne ti baboy ket mairaman ti European Union, Brazil, Spain, Canada, Netherlands, ken Estados Unidos. Nakiuman metten ti DA iti Department of Foreign Affairs tapno ipakaammo na ka dagitoy a pagilian ti imbestigasion ken kiddawenda ti kooperasion da.
~Bombo Kleo
