Kiniddaw ni Senate Committee on Agriculture Chairperson Sen. Francis “Kiko” Pangilinan a kasapulan nga maipangpangruna ti danum ken irigasion iti 2027 budget ti Department of Agriculture ken dagiti attached agencies-na.
Kiniddaw pay ni Pangilinan ti naparpardas a tulong para kadagiti mannalon ken mangngalap a mabalin nga ad-adda a maapektaran iti umad-adani a nakaro nga El Niño, a mabalin a pakaigapuan ti panagbaba ti produksion ti taraon ken posible a pannakapukaw ti pagbiagan da.
Kayatna pay nga imbestigaran ti pannaka aramat ti pondo ti ahensia ita a 2026, pakairamanan dagiti pondo a saan pay a nausar, ken ti agtultuloy a parikut ti agricultural smuggling.
Mainayon pay, a mausig ti posible nga epekto ti riribuk iti Middle East, partikular ti tension iti nagbaetan ti Iran, Estados Unidos ken Israel, kadagiti gastos iti produksion ken presio dagiti produkto ti agrikultura.
~Bombo Kleo
