Impaganetget ni Prof. Danilo Arao nga awan ti lugar iti diplomasya dagiti pangta ni Chinese Ambassador to the Philippines Jing Quan.
Kasaruno daytoy ti panangibaga ti Chinese envoy a mabalin a mangabak ti China kontra Pilipinas iti West Philippine Sea no agaramatda iti puersa.
Iti pannaki-uman ti Bombo Radyo Vigan ken ni Arao, bigbigbigen ti Pilipinas ti kadakkel ken estado ti China kas maysa a pagilian, ngem saanna kayat a sawen a nasken nga awaten lattan dagiti pangta iti baet dagiti mapaspasamak a bilateral talks.
Kwinestionaran pay ni Arao ti panagaramat iti kastoy a klase ti diplomatiko a panagsarita, a saan pay pulos nga inaramid ti China kadagiti sabali a pagilian nga addaanda iti dispute wenno saan a pagkikinnaawatan.
Impaganetgetna pay nga adda karbengan ti Pilipinas nga ilaban ti wayawayana ken mangituding iti bilateral relations maibasar no ania ti kasayaatan para iti national interest.
Malaksid dayta, kunana a mabalin nga ikalintegan ti pagilian ti maysa nga independent foreign policy ken mangaramid iti desision a saan a mapukaw ti bukodna nga interes gapu laeng iti relasionna kadagiti dadakkel a pagilian, agraman ti Amerika.
