--Ads--
Nagbalaag ti Department of Health (DOH) iti publiko a nadardaras a madadael dagiti taraon gapu iti napudpudot a panawen gapu ti El Niño, a manamnama a kumaro pay iti umuna a paset inton sumaruno a tawen.
Nagpalagip ti ahensia iti publiko a siguradoen a nadalus ti danum a maar-aramat iti panangdalus dagiti taraon, ima ken dagiti alikamen.
Inallukoy da ti publiko nga ipaburek ti inumen a danum no saan a masigurado ti kinadalus na daytoy.
Masapul pay a kalluban wenno ibusen a dagus dagiti naluto a taraon ken lilikan ti panangibati iti init tapno malapdan ti panagadu ti bacteria.
-- ADVERTISEMENT --
