Impasigurado ni Presidente Ferdinand Marcos Jr. ti agtultuloy a determinasion ti administrasion a papigsaen ti kabaelan ti Philippine Coast Guard (PCG), kinasagana iti panangpatalinaed ti seguridad iti kabaybayan ken panagtitinnulong dagiti international partner tapno marisut dagiti karit iti kabaybayan a sakop ti Pilipinas.
Pinasingkedan ni presidente Marcos ti kinapateg ti kina-adda ti maysa a nalaing a Coast Guard tapno protektaran ti national interest iti kabaybayan, salwadan ti biag dagiti umili ken siguradoen ti kinatalged dagiti komunidad iti Pilipinas.
Iti selebrasion ti maika-125 a tawen ti Philippine Coast Guard, impaganetget ti presidente a sangoen ti amin ti masangoanan nga adda ti kumpiyansa ken baro a kari a papugsaen ti kabaelan ken kinasagana tapno marisut dagiti kwalipikado a karit iti kabaybayan.
Innayon ni Marcos a napateg a mapagtalinaed ti kinatalged ken seguridad iti kabaybayan tapno masalwadan ti pagbiagan ken pagimbagan dagiti Pilipino, kangrunaa kadagiti sektor a mangnamnama iti kabaybayan.
