Posible a maaddaan ti taripnong da Presidente Ferdinand Marcos Jr. ken US President Donald Trump iti nakatuding nga Association of Southeast Asian Nations (ASEAN) Summit idiay Manila inton Nobiembre.
Pinasingkedan ni Philippine Ambassador to the US Jose Manuel “Babe” Romualdez nga ad-adalen da ti posible nga iskedyul ken agenda ni Trump, pakairamanan daytoy ti bilateral meeting iti nagbaetan dagiti dua a lider.
Segun ken ni Romualdez, direkta a nagipatulod ti White House iti Malakanyang ti kumpirmasion ti panagbisita ni Trump iti Manila kalpasan nga inimbitaran ni presidente Marcos ni Trump a bumisita iti Pilipinas.
Sumagmamano kadagiti pagpatangan ti dua a lider iti bilateral meeting ti West Philippine Sea ken Pax Silica framework agreement kadua ti Amerika.
