Inwaragawag ni Atty. Levito Baligod a ti gandat ti kaso a naipila kontra kenkuana ken kadagiti ‘maleta boys’ ket tapno mangdadael iti alegasionda iti korapsion a nakainaigan ni Ako Bicol party list Rep. Zaldy Co ken dadduma pay nga opisial iti gobierno.
Nawayawayaan da Baligod ken dagiti uppat a kaduana nga akusado idi Biernes kalpasan ti panagpiansada iti P10,000 iti kaso nga unjust vexation nga impila ni Zambales rep. Jay Khonghun.
Karaman dagiti nagan ni Khonghun iti salaysay ti grupo mainaig iti mapapati a panangipatulod kadagiti maleta a naglaon iti kuarta a konektado iti kickbacks.
Kwinestyonaran pay ni Baligod ti proseso ti korte iti aplikasionda iti piansa, partikular ti kasapulan a barangay certificate of residency a kunana a nangitantan iti pannakawayawaya dagiti sumagmamano nga akusado.
Planona ti agsurat iti Korte Suprema tapno kiddawen ti pannakarepaso ti nasao a requirement.
/~ Bombo Kleo
