Pinasingkedan manen ti Department of Social Welfare and Development (DSWD) nga adda karbengan dagiti benepisyaryo ti Assistance to Individuals in Crisis Situations (AICS) ken dadduma pay a social protection programs a makaawat ti buo a gatad ti cash assistance da.
Segun ken ni DSWD spokesperson Asst. Secretary Irene Dumlao, awan ti sinuman a mabalin a mangala wenno makibingay iti financial assistance a naawat dagiti benepisyaryo iti AICS wenno aniaman a programa ti DSWD.
Nangiruar ti palawag ti DSWD kalpasan iti agwarwas iti social media ti alegasion a dagiti benepisyaryo idiay Mati City, Davao Oriental a nakaawat ti P10,000 AICS aid ket nabilin nga agisubli ti P9, 000.
Nagpalagip ni Dumlao kadagiti benepisyaryo a saan nga ited wenno isubli iti asinuman ti paset a naawat da nga ayuda.
