Nagballaag ni Senador Imee Marcos a mabalin a narigrigat ti Paskua para kadagiti Pilipino gapu iti manamnama a nakarkaro a super El Niño sakbay a malpas ti 2026 ken ti mapapati a panagpaotna agingga 2027.
Inallukoyna ti publiko nga agisagana iti umdas a nadalus a danum tapno maliklikan ti hoarding, kasta payen ti panagtipid ken panagaramat iti danum iti pagtaengan.
Napalagipan pay ti publiko nga agsagana kontra iti nakaro a pudot, agraman ti panagurnong iti oral rehydration salts, agas iti gurigor ken danum a mainom, ken panangliklik iti nadagsen nga aramid no nabara unay ti paniempo.
Naisingasing pay ti panangisagana iti emergency supplies, panagannad iti kuryente ken kanal, kasta payen ti in-inut a panagurnong iti taraon ken panagmula kadagiti mula a natibtibker uray kurang ti danum.
