--Ads--
Pinasingkedan ni Vice President Sara Duterte a saan da paya a napagpatangan ti kabsat na a ni Davao City Mayor Sebastian “Baste” Duterte ti posibilidad a tumaray daytoy kas president inton 2028 national elections.
Segun ken ni VP Sara, awan pay ti seryoso a panagpatang da Mayor Baste mainaig iti posible a panagtaray kas president iti baet dagiti patangan mainaig iti political plnas para iti 2028.
Nupay kasta, imbingay ti bise presidente a maipagarup nga imbaga ti ina na nga agawid laeng isuna idiay Davao ken ni Baste laengen ti tumuray iti national election.
Maipalagip idi Pebrero 18, 2026, inyanunsio ni VP Sara iti maysa a press conference ti panataray na kas presidente inton 2028.
-- ADVERTISEMENT --
