Pinaglibakan manen ni Vice President Sara Duterte dagiti alegasion ni dati a police officer Rodulfo Gracioso Jr. a nangipatulod isuna kadagiti maleta a mapapati a naglaon iti kuarta.
Dayta ti pinasingkedan ti bise presidente iti press briefing-na idiay Danang, Davao City.
Segun ken ni Duterte, saan a pudno dagiti imbaga ni Gracioso iti sinapataanna a salaysay ken kadagiti interview-na iti media.
Immunan a nangiruar iti statement ti bise presidente, ket kunana a saan a pudno dagiti 29 nga statement ni Gracioso, a dati a security aide ni dati a House Speaker Lord Allan Velasco, maibasar iti salaysay nga impasana iti National Bureau of Investigation.
Kabayatanna, naituding nga ipasa ti kampona ti affidavit inton Huebes.
Maipalagip nga imbaga ni Gracioso a nangipatulod isuna iti kuarta, ta imbilin ni Velasco kada VP Sara, dati a Presidente Rodrigo Duterte, ken ni Davao City Rep. Paolo Duterte.
