Nagpanawagan ni Senador Panfilo Lacson ti multi-agency investigation iti agtultuloy a maipagarup nga illegal a reclamation activities iti paset ti Laguna Lake idiay Taguig.
Segun ken ni Lacson, masapul nga agtitinnulong dagiti ahensia ti gobierno tapno maammuan iti adda ti likudan ti maipagarup a panagurnong ti basura ken panangikabil dagiti materyales iti dan-aw.
Masapul nga agtitinnulong dagiti ahensia kas ti Philippine Reclamation Authority (PRA), Land Registration Authority (LRA), Laguna Lake Development Authority (LLDA), Department of Environment and Natural Resources (DENR), Office of the Ombudsman, ken Department of Public Works and Highways (DPWH), tapno imbestigaran ti alegasion.
Agtultuloy met nga agal-ala ni senador Lacson ti ebidensia iti isyu iti baet ti immune na a pinasingkedan ni Senador Alan Peter Cayetano.
