Naitantan ti maipagarup nga imbestigasion ti Philippine Reclamation Authority (PRA) iti reclamation activities iti paset ti Taguig City kalpasan a maipagarup nga in-pressure ni Senador Alan Peter Cayetano dagiti opisial ti ahensia iti budget deliberations ti Office of the President idi Nobiembre 2025.
Segun ken ni Senator Panfilo “Ping” Lacson, basar iti naala na nga impormasion manipud kadagiti opisial ti PRA, maipagarup a pinaayaban ni Cayetano dagiti mangi8bagi ti ahensia iti opisina na ken nag-pangta a suspensoen ti deliberasion iti budget ti Office of the President.
Segun ken ni Lacson, nagbalin a rason daytoy tapno ma-pressure dagiti opisial ti PRA ken naitantan ti imbestigasion iti reclamation idiay Taguig.
Kasaruno daytoy, imbutaktak pay ti senador nga agisayangkat da manen ti imbestigasion ti PRA iti ektarya a daga no sadino a naipatakder ti maipagarup nga ilegal a reclamation.
Maipagarup a kinumpirma pay ti PRA nga awan ti reclamation permit a naala ti Taguig City government para iti nadakamat a proyekto.
