--Ads--
Dinepensaran ni Senate Minority Leader Alan Peter Cayetano dagiti lakeshore development project iti paset ti Laguna Lake idiay Taguig.
Impaganetget ni Cayetano a dagituy ket para iti flood control, pampubliko a panagaramat, panangsalaknib iti dan-aw kontra iti land-grabbing syndicates.
Nabayagen a na-plano dagiti proyekto ken nangrugi pay laeng idi maudi a paset ti dekada 1990 idi panawen ni dati a DPWH Secretary Gregorio Vigilar.
Ti statement ni Cayetano ket sungbat kadagiti alegasion ni Senador Panfilo Ping Lacson a mangibagbaga nga adda maipagarup a ghost slope protection project ken illegal reclaimed area iti aglawlaw ti Laguna Lake ket balak na a makibinnulig iti DPWH, LLDA ken Ombudsman tapno madusa dagiti karaman.
-- ADVERTISEMENT --
