Suportado ni Parañaque 2nd District Rep. Brian Yamsuan ti nayon a pondo para iti MSMEs tapno mapapigsa ti entrepreneurship ken matulongan dagiti ad-adu a Pilipino a makarugi wenno mapadur-as ti babassit a negosio da.
Iti Budget Amendments Review Subcommittee, sinuportaran ni Yamsuan ti P870.5 milyong a nayon iti 2027 budget para iti Sustainable Livelihood Program (SLP) ti DSWD ken P50 milyon a nayon par iti Small Business Corporation (SBCorp) a mangipatpatungpal ti Pondo sa Pagbabago at Pag-Asenso.
Segun ken ni Yamsuan, makatulong ti nayon a pondo tapno ad-adu a Pilipino ti maaddaan ti access iti livelihood assistance ken financing para kadagiti negosio da.
Idurduron pay ti agpampanday linteg dagiti gakat tapno aramiden a permanente ti SLP ken P3 tapno masigurado ti agtultuloy a pondo ken implementasion dagiti programa.
