--Ads--
Inlawlawag ti Department of Social Welfare and Development a saan a kasapulan ti National ID tapno maala dagiti kwalipikado nga indigent senior citizen ti social pension-da.
Mabalin nga aramaten ti sabali a government-issued ID kas ti Senior Citizen o OSCA ID, PhilHealth ID, voter’s ID, driver’s license ken dadduma pay para iti beripikasion ti kinatao.
Iti salinong ti Social Pension for Indigent Senior Citizens, umaw-awat ti kwalipikado a benepisyaryo iti P1,000 kada bulan para iti taraon, agas, ken dadduma pay a kangrunaan a pagkasapulan.
Inallukoy ti DSWD ti publiko a mangala laeng iti impormasion mainaig iti social pension manipud kadagiti official channel ti gobierno tapno maliklikan ti saan a husto nga impormasion.
-- ADVERTISEMENT --
