Natalged a nakasubli iti pagilian dagiti lima a Filipino seafarers a naglugan iti Antigua-flagged bulk carrier M/V Cape Dao, uppat nga aldaw kalpasan a nadadael ti barko bayat ti panagdaliasatna iti Strait of Hormuz.
Inawat dagitoy dagiti opisial manipud iti Department of Migrant Workers (DMW) ken Overseas Workers Welfare Administration (OWWA), pakairamanan dagiti medical teams a nakadanon idiay Ninoy Aquino International Airport Terminal 3.
Binilin ti DMW ken OWWA ti manning agency a siguradoen a maipaayan dagiti seafarers iti umiso a pagkasapulan iti pisikal ken psychological assessment, debriefing ken sabali pay a benepisio manipud iti panagwidda.
Impalagip pay ti DMW kadagiti manning agencies ken dagiti nga agtultuloy a bantayan ti kasasaad dagiti Pilipino a seafarers ken siguraduen a masurot dagiti safety protocols para kadagiti barko a lumasat iti Strait of Hormuz.
