Mangnamnama ti Malacañang nga agtalinaed a nasalun-at ni dati a presidente Rodrigo Roa Duterte tapno sangwenna dagiti akusasion kontra kenkuana ken tapno makapagsarita kadagiti krimen a napasamak iti drug war iti administrasionna.
Segun ken ni Palace Press Officer ken Communications Undersecretary Claire Castro, kayat dagiti Pilipino a sumayaat ti kasasaad ni Duterte tapno sangwenna dagiti naipabasul kenkuana idiay International Criminal Court (ICC).
Innayon pay ni Castro a posible nga umamin ni Duterte iti pannaka-dengngeg ti mapapati a pammapatay iti kampania kontra droga ti administrasionna.
Kalpasan daytoy ti desision ti ICC Trial Chamber III nga indeklara da a fit to stand trial ni Duterte, kalpasan a pagkedkedan da ti argumento ti depensa a makaapekto iti memorya ken cognition ti kabaelanna a makipaset iti nasao a trial.
