--Ads--
Kinumpirma ti New NAIA Infra Corp. (NNIC) nga adda iti stable condition dagiti pito nga indibidwal a natupakan ti panagtinnag ti bobeda iti Ninoy Aquino International Airport (NAIA) Terminal 1 ita nga aldaw, Abril 3.
Pinasingkedan ti opisina a dagus a narespondean ti medical team ti NNIC, airport security personnel ken Philippine National Police (PNP) Aviation Security Group dagiti apektado nga indibidwal.
Dagus a na-cordon ti West Arrival Curb C area iti iruar ti passenger terminal building ti NAIA Terminal I asideg iti food concession outlet.
Ininspeksion met ti engineering team ti NNIC ti aglawlaw ket kinumpirma da a natalged para iti normal nga operasion.
-- ADVERTISEMENT --
