Kinumpirmaran ti Philippine National Police a negatibo iti paraffin test dagiti pito a pulis a maibilang a persons of interest iti pannakapaltog ni mayoralty candidate Kerwin Espinosa idi napan a lawas.
Ti paraffin test ket maysa a test a mangbigbig no nagpapautok iti paltog ti maysa a tao.
Inlawlawag ni PNP Public Information Office Chief PCol. Randulf Tuaño a saan pay laeng a natalged ti kaso dagiti pulis ta agtultuloy ti imbestigasyon dagiti otoridad.
Innayonna nga adda dagiti wagas tapno maliklikan ti positibo a resulta iti paraffin test kas ti panagaramat iti gwantes wenno panangikabil iti kemikal iti ima sakbay nga agpaputok.
Iti agdama, sumango dagiti pito a pulis iti reklamo nga illegal possession of firearms kalpasan a makumpiskar ti sangapulo nga armas.
