Trauma ken nakaru a buteng ti napasaran ti agtawen iti innem a pulo ket siam a babai a ni Ruth Adel ta napagduduaan nga adda basyo ti bala ti bagahena iti NAIA Terminal 3.
Segun ti anakna a ni Cai, adda ti flight nga agturong idiay Vietnam ngem idi nakadanonda iti boarding gate, linapdan isuda ti maysa a babai a security personnel ken binagannada a masapulda a kitaen ti maleta ti inana ta nakitaan ti anting-anting.
Malaksid iti panagbuteng, narurodda pay ta arigna saan a seryoso iti opisyal.
Kinunana a kayatda nga ipan ti inana iti opisinada a pasublien nga isu ti naggappuanda isu a saan nga immannugot ket binagaanna dagiti opisyal a lukatanda ti bagahe ti inana iti sangwanan iti adu a tattao.
Inawagan ti security personnel ti supervisor-da ket idi dimteng nga adda pay maysa a security personnel ket imbagana a saan a maleta nu diketdo iti handbag iti nakakitaanda.
Nagdudua ni Cai ta saan nga agpapada iti impormasyon nga intedda ngem naisayangkat iti inspecksyon ngem awan ti nakita a kontrabando.
Nagresulta ti nakaru nga stress ken buteng ken ni Ruth iti nasao a pasamak agingga a nakadanon idiay Vietnam isu a naawanan ti kumpiyansa dagiti otoridad idiay Airport.
Kinuna ti PNP Aviation Security Group a ti rumbeng a makikammayet iti nasao a banag ket ti Office for Transportation Security.
