Impatungpalen ti Department of Trade and Industry wenno DTI ti price freeze kadagiti lugar a nakaipasidong ti state of calamity.
Dayta ket tapno saan a gundawayan dagiti negosyante iti agpangina ti presyo kadagiti kangrunaan a magatang ken pagkasapulan kadagiti lugar a naapektaran iti ginggined.
Karaman dayta iti General Santos City ken Alabel Town Capital iti Sarangani a nakaru a naapektaran iti ginggined.
Segun ken ni DTI Sec. Cristina Roque, no nakaipasidong iti price freeze ket saan a mabalin nga agpangina iti presyo kadagiti kangrunaan a magatang.
Ti nasao a bilin ket epektibo iti innem a pulo nga aldaw malaksid laengen no mayatiddog kasaruno ti bilin ni Pres. Ferdinand Marcos Jr.
Inallukoy met ti DTI dagiti aggatang nga i-report dagiti paggatangan, distributor wenno manufacturer nga agilako kadagiti kangrunaan a magatang iti naglabes iti maipatpatungpal a presyo ken itawag iti One-DTI Hotline.
