--Ads--
Innem a kanidato iti kina-senador idi 2022 ti immawat iti campaign donation manipud kadagiti kontraktor ti gobierno, a mailabsing iti Omnibus Election Code.
Segun ken ni Comelec Chairperson George Erwin Garcia, tallo kadakuada ti agdama a senador, idinto a dagiti pay tallo ket saan a nangabak idi eleksion.
Karaman kadagiti nagited iti donasion dagiti limapulo ket lima a kontraktor a maim-imbestigaran gapu iti illegal campaign contributions.
Saan pay nga innaganan ti Comelec dagiti kandidato bayat nga agtultuloy ti imbestigasion, ngem nagkiddawda iti certification manipud iti Department of Public Works and Highways (DPWH) tapno maamuan no dagiti kontraktor ket adda agdama a kontratada iti gobierno idi panawen ti kampania.
-- ADVERTISEMENT --
