VIGAN CITY– Nainget a kinontra ti kapitan ti Ayusan Sur, Vigan City ti nai-feature ti maysa a TV network inaig iti kasasaad dagiti lima nga agkakabsat nga immunan a naipadamag a matmaturog iti ubong ti baboy.
Segun ken ni Brgy. Capt. Efren Rabago, nagparang a kasla awan iti inaramid iti city government ken dagiti bumaranggay tapnu matulungan dagiti agkakabsat a da John Mark Del Rosario ti kinapudno na ket isuda iti nangkuyog a mapan iti city government .
Kinuna ti kapitan a maturog laeng dagiti lallaki iti ubong ti baboy no agtudo idinto a dagiti tallo a babai ket innala dagiti kakabagyan da.
Innayon na nga adu ti mangtultulong kadagiti agkakabsat ngem adda dagiti nauma gapu ti ugali dagiti nagannak ken saan a panagkikinnawatan ti apong da a babai.
