VIGAN CITY- Adu dagiti programa ti Barangay Ayusan Norte, Vigan City a para kadagiti myembro ti Pantawid Pamilyang Pilipino Program (4Ps) tapnu pumintas ti biyag da ken saan da laeng a nakadepende iti it-ited kadakuada iti gobiyerno.
Segun ken ni Brgy. Capt. Ignacio Tadeo, pakaibilangan kadagiti programa da a para kadagiti 4Ps members ket iti panagmula ti cultures nga o-ong, sari-sari store ken panagmula ti naduma-duma a klase ti nateng.
Nu manu ti mapastrek da kadagiti nasao a livelihood program ket isu iti pagbibingayan da.
Ngem, segun ken ni Juanita Rabut, ti mangidaulo kadagiti miyembro ti 4Ps iti nasao a barangay, adda dagiti kakadua da a saan a tumultulong kadagiti naduma-duma a livelihood programs da ta kunada ket saan da a masango, ngem nu panagbibingay ti pastrek ken panagcash-out iti ited kadakuada ti gobyerno ket naalisto da.
