Adu a pasahero iti nagturong kadagiti pantalan ita a Miekules Santos, Abril 1.
Dayta ket gapu iti adu nga agbiahe kadagiti probinsia tapno rambakan ti Semana Santa.
Iti monitoring ti Philippine Coast Guard (PCG), nairekord ti ahensya iti 22,135 nga outbound passengers ken 22,503 nga inbound travelers a pakabuklan iti 44,000 nga indibidual a nagturong kadagiti pantalan iti pagilian.
Idi kalman ket nakairekord dagiti otoridad ti 186,952 outbound passengers ken 152,492 inbound travelers wenno umabot 340,000 a pasahero.
Maibasar iti patta ti Philippine Ports Authority (PPA), manamnama nga umabot iti 2.46 million dagiti pasahero a mapan kadagiti pantalan manipod March 29 agingga April 15 a nangat-ngato ngem iti 2.41 million a pasahero idi napalabas a tawen.
