Inallukoy ti Department of Transportation dagiti motorista a sumurot iti paglintegan ti trapiko kalpasan nga impakaammoda a nangiruarda iti nasurok duaribo a show cause order ken nakaala iti 420 a driver’s license iti napalabas nga innem a bulan.
Segun ken ni Transportation Secretary Vince Dizon, dayta iti kangatoan a bilang dagiti driver’s license a nasuspenso iti pakasaritaan iti DOTr ken Land Transportation Office (LTO).
Imballaag ni Dizon a nu saan a suroten ti linteg ket nadaras laeng nga -revoke iti gobierno iti lisensya dagiti aglabsing, temporaryo man wenno agnanayon gapu iti nakaru a panaglabsing.
Kinuna ni LTO Chief Assistant Secretary Vigor Mendoza II, umaboten iti 1,100 a show cause order iti nairuar idi napalabas a tawen a kaaddoan ket gappuanan ti suspension wenno pannakababawi iti driver’s license.
