VIGAN CITY- Uppat a pulo ket maysa a bilyon a pisos iti inlatang iti Kongreso para iti pannakaipatungpal iti Universal Access to Quality Tertiary Education Act of 2017 wennu Republic Act 10931 ita nga school year 2018-2019.
Ti pannaki-uman ti Bombo Radyo Vigan ken ni Commission on Higher Education- officer-in-charge Prospero De Vera, manipud iti nasao a gatad ket adda ti PHP 16 bilyon a pisos para ti re-imbursement dagiti singiren kuma dagiti SUCs a tuition ken miscellaneous fee dagiti agad-adal; sabali pay a PHP 16 bilyon a pisos para ti tulong kadagiti agad-adal a naggapu kadagiti napanglaw a pamilya ta dagiti agadal kadagiti SUCs ket makaawat iti PHP 40,000 ken kadagiti pribado a pagadalan ket PHP 60,000 iti maawat da.
Malaksid iti dayta, adda ti pito a bilyon a pisos para ti Technical Education and Skills Authority (TESDA) para kadagiti agenroll dagiti technical-vocational courses ken maysa a bilyon a pisos para iti student-loan program.
Kagiddan iti dayta ket inpalagip iti opisyal ti CHED nga uray nu libren iti panagadal iti kolehiyo ket kasapulan a sumurot dagiti agad-adal kadagiti naduma-duma nga evaluation ken retention policies dagiti sumrekan a pagadalan.
