Naikkaten iti pwesto dagiti uppat a polis a mainanaig iti pannakatay ni dati a Philippine Charity Sweepstakes Office (PCSO) Board Secretary Wesley Barayuga idi 2020.
Segun ken ni Philippine National Police Spokesperson Police Col. Jean Fajardo, karaman iti naikkat da Police Lt. Col. Santi Mendoza ken Police Col. Hector Grijaldo Jr. a nakadeploy iti PNP Drug Enforcement Group.
Kasta pay da Police Col. Roland Villela a mapapati nga immawat ti kuarta manipod ken ni dati a PCSO General Manager Royina Garma ken Police Senior Master Sergeant Jeremy Causapin a mapapati a nangted ti P300,000 ken ni Nelson Mariano.
Ni Mariano ti asset ni Mendoza a nang-hire iti gunman a nangpatay ken ni Barayuga.
Maipalagip nga iti panagdenggeg iti House Quad Committee iniag ti extra-judicial killings ket intudo ni Mendoza ni Garma ken National Police Commission Commissioner Edilberto Leonardo nga utek iti pammapatay ken ni Barayuga.
Naidalanen ti restrictive custody iti PNP da Mendoza, Grijaldo ken Villela idinto a masapsapul ni Causapin a naipakaammo a nag-resign.
