Nasurok-kumurang 4.6 million a pasahero iti namnamaen ti Philippine Ports Authority (PPA) nga agturong kadagiti pantalan iti pagilian ita a holiday season.
Segun ken ni PPA General Manager Jay Santiago, mangrugi ti heightened alert ken monitoring iti pasahero manipod December 15 agingga January 5, 2026.
Siguradoenna a nakasagana amin a pantalan tapno masigurado ti kinatalged dagiti pasahero iti peak season.
Makitintinnulongen ti port police ken dadduma pay a security personnel iti Philippine Coast Guard ken Philippine National Police Maritime Group.
Nakasagana pay iti ready-to-eat food packs no kas bilang ma-stranded dagiti pasahero kadagiti pantalan.
Nagpanawagan met ni Santiago kadagiti shipping operators a siguradoen a maka-deployda iti umdas a kaado ti barko ken dagiti pasahero a planoen a nasapa iti biaheda tapno maliklikan iti pannakariribok.
