Maaddaan ti nayon a 370 personnel ti Police Regional Office (PRO) 1 iti Ilocos ta nakompleto ti baro a batch iti panagsanayda.
Segun ken ni Maj. Divina Albino a mangidaulo ti PRO-1 Information Office, nangrugi ti baro a batch iti innem a bulan a Public Safety Basic Recruit Course-da iti Regional Training Center idiay Aringay, La Union kalpasan ti oath-takingda idi December 7 ita a tawen.
Karaman iti panagsanay iti taktikal nga aktibidad ken dadduma pay a maipanggep iti polisya pakairamanan iti husto a panagaramat iti armas.
Kalpasan dayta ket sumaruno iti innem a bulan a Public Safety Field Training Program a maysa nga on-the-job training iti agduduma a police stations iti rehiyon.
Kinuna ni Albino a bayat ti training ket makaawatda ti P29,668 a base pay kada bulan.
Manipod iti 2,418 nga aplikante ket 370 nga aplikante laeng iti naala ket 285 iti lallaki idinto a 65 iti babbai.
