30,000 a supporters ni PRRD, nagmartsa tapno ipanawagan ti pannaka-wayawayana

Tallopulo ribo a supporter ni dati a Presidente Rodrigo Duterte ti nagmartsa iti kalsada idiay Davao City tapno ipanawagan ti pannakawayawayana manipud iti pagbaludan idiay The Hague, Netherlands.

Ti event a nawagan a kas solidarity walk ket paset iti culminating ti civic parade ti 88^th Araw ng Dabaw celebrations.

Nakasuotda iti nangisit a bado, nakaiggemda iti banner ken streamer a namarkaan iti ‘We stand with FPRRD’ ken ‘Bring Him Back Home’.

Nakipaset dagiti young professional, agtagilako, entrepreneurs, medical professional, mannalon, indigineous people, mangisursuro, ken retirees.