VIGAN CITY- Naaksidente dagiti tallo a pulis a naglugan iti motorsiklo ken ti nagmaneho ti kurong-kurong a bigla a nag-u-turn idiay national highway ti Barangay Libtong, Tagudin.
Agpapa-amyanan a direksyon ni PO1 Robert Lee Pascual Marcelo nga agtawen iti dua pulo ket innem, baro ken agnaed idiay Camp Dangwa, La Trinidad, Benguet a nagmaneho ti black/yellow Yamaha sniper 150 kadua na ti backrider na a ni PO1 Kevin Jaquias Gasmen nga agtawen iti dua pulo ket tallo ken ni PO1 Mark Anthony Concecpion Mendoza nga agtawen iti dua pulo ket pito a nagmaneho iti sabali pay a motorsiklo idi bigla a nag-U-turn ti sarsarunwen da a kurung-kurong a minaneho ni Ernesto Lucina Libao Jr., nga agtawen iti lima pulo ket innem, awanan iti pagsapulan ken agnaed idiay Ipet, Sudipen, La Union.
Natulid ken natnag dagiti tallo a nagmaneho ti lugan ken ti backrider iti pavement ket nagsagaba da iti dunor iti naduma-duma a paset iti bagi da isu a naipaagas da idiay Ilocos Sur District Hospital, Bio, Tagudin.
