VIGAN CITY – Kaso a panaglabsing ti presidential decree 1602 ti sangwen dagiti tallo a naaktuan nga agtotong-it idiay Barangay Vacunero, Sto. Domingo.
Dagiti nakemmeg ket da Frederick Navarro, agtawen ti uppat a pulo ket tallo, maysa a floor manager ti textmate bar, agnaed idiay Brgy. Naglaoaan, Sto. Domingo; Manilyn Coguit, agtawen ti tallopulo ket lima, maysa a GRO a tubo ti Nasugbu, Batangas ngem agnanaed idiay Brgy. Vacunero kenni Rowen Manzano, agtawen ti duapulo, maysa met laeng a GRO a tubo ti Alcala, Pangasinan ngem agnanaed idiay Brgy. Vacunero.
Pinasingkedan ni Police Captain Christopher Ramat, hepe ti Sto. Domingo municipal police station, a ti pannakakemmeg kadagiti agtotong-it idiay Barangay Vacunero ket babaen iti nai-tip kadakuada nga impormasyon inaig iti agsusugal iti nasao a lugar a rinespondean da.
Naala kadagiti tallo ti sugsugalen da a sangaribo pito gasut innem a pulo ket uppat a pisos ken maysa a set ti baraha.
