3 a tao a nakasoan, nakemmeg kadagiti naduma-duma nga ili ditoy probinsiya

VIGAN CITY – Kaso nga attempted homicide iti nakakemmegan ti suspek a ni Jayson Villamin, agtawen ti duapulo ket innem, maysa a welder nga agnaed idiay Brgy. Sagat, Sta. Cruz.

Ti pannakakemmeg ti suspek ket babaen iti bileg ti warrant of arrest a napetsaan iti January 20 iti agdama a tawen nga imparuar ni Judge Vida A. Cortez-Jimeno iti 11th  Municipal Circuit Trial Court, Sta.Cruz – Sta. Lucia.

Kabayatanna, nakemmeg gapu ti estafa ni Carmelita Padua Hernaez, agtawen ti lima pulo ket innem nga agnaed idiay Brgy. Maynganay Sur, Sta. Maria babaen iti bileg ti warrant of arrest a napetsaan idi January 23 iti agdama a tawen nga inparuar ni Judge Leah Agripina Ramirez-Florendo ti 5^th Municipal Circuit Trial Court, Sta. Maria –Burgos.

Kaso nga estafa met laeng iti nakakemmegan ni Marianne Tira, agtawen ti tallo pulo ket tallo, maysa a call center agent ken agnaed idiay Brgy. Otol-Patac, San Ildefonso.

Ti warrant of arrest ti suspek ket napetsaan idi January 23 iti agdama a tawen nga inparuar ni Judge Bonhoefer V Bernardez iti Municipal Trial Court in Cities, Vigan City.