--Ads--

VIGAN CITY – Umabot ti dua gasut siam a pulo ket dua a pagtagilakuan ti naduktalan a naglabsing iti ordinansa ti siudad ti Vigan ken tallo pulo a pagkilwan ti naduktalan met nga adda diperensyana iti pannakaisayangkat ti market saturation drive a naka-inspeksionan dagiti pagtagilakuan iti tiendaan ditoy syudad.

Ti nasao nga aktibidad ket kas paset iti panangrambak ti Consumer Welfare Month iti agdama a bulan ti Oktubre nga indaulwan dagiti Local Prize Coordinating Council a buklen ti line agency ti National Government ken ti local government unit iti siudad.

Segun kenni Annabelle Polanco, Senior Trade and Industry Development Specialist ti DTI- Ilocos Sur, nagsentro iti inspeksionda kadagiti pagkilwan iti tiendaan agsipud ta adda dagiti sumagmamano a saan pay a nacalibrate ken awan ti sarmingna ta inlawlawagna a madi a maaramat dagiti nasao a klase iti pagkiloan ta mabalin a saan nga usto ti kilona kadagiti maikilo a produkto.

Agsipud iti dayta, binalakadanna dagiti konsyumer a kitaenda a naimbag dagiti pagkilkilwan dagiti aglaklako no nakaisentro met laeng iti zero ken kasta payen dagiti gatgatangenda a produkto.

RELATED ARTICLESMORE FROM AUTHOR