--Ads--
Kinumpirmaran ti Bureau of Customs (BOC) nga addan iti kustodiyada dagiti duapulo ket walo a luxury vehicles a kukua ti pamilia discaya.
Segun ti BOC, adda sangapulo ket innem a luxury cars iti insuko ti pamilia discaya ita nga aldaw.
Malaksid pay dayta iti naala manipod compound iti komapania a St. Gerrard idiay Pasig City.
Dumaldalanen iti sealing ken dokumentasyon dagiti sangapulo ket innem a lugan ken nainget a mabantayan bayat ti pannakaadal dagiti import records ken masigurado a dumalan iti husto a proseso.
-- ADVERTISEMENT --
Kinuna ni Customs Deputy Chief of Staff Chris Bendijo a walo a lugan iti nadiskubre nga awan iti mayannatup a dokumentona kas iti entry record isu a saan a dimmalan iti importation.
