Nalaus ti panagsagsagana itan ti Department of Education iti umadani a panaglukat ti klase ita nga School Year 2025-2026 gapu ta mapatta-patta a 27 milion nga estudiante ti agsubli iti pagadalan ita a Hunyo, nangatngato ngem idi napalabas nga school year.
Segun ken ni DepEd Assistant Secretary Jocelyn Andaya, inactivat-dan ti ‘Oplan Balik Eskwela’ wenno panagsagana ita a serrek agraman dagiti brigada eskwela inton Lunes, Hunyo 9.
Kaduada nga agsagana dagiti nadumaduma a sektor ti gobierno, uray ti pribado a sektor.
Nupay kasta, aminado ti DepEd nga adda latta pagkurangan dagiti tugaw, lamisaan ken dagiti classroom nga umabot iti 165,000 a kurang.
Inlawlawag ti ahensia nga adda pay 2 shifts idiay NCR ken Region 4A gapu iti kaadu dagiti enrollees ngem awan iti mode a triple shift iti kada klase.
