Inaprubaran ti US State Department ti $20 billion a baro a weapon package para iti Israel.
Ti nasao a package ket pakairamanan iti limapulo a fighter jets, air-to-air missiles, tank ammunition, ken tactical vehicles a gagem a mangpapigsa ti military capabilities idiay Israel iti sumarsaruno a tawen.
Segun ti Pentagon, inaprubaran ni US Secretary of State Antony Blinken ti posible a pannakailako ti F-15 jets ken equipment nga aggatad ti umabot $19 billion.
Inaprubaranna pay ti posible a pannakailako ti tank cartridges nga aggatad ti $774 million ken army vehicles nga aggatad ti $583 million.
Manamnama a napaut iti pannakaaramid ti Boeing F-15 fighter jets isu a posible a maipatulod inton 2029 idinto a ti dadduma nga equipment ket mangrugi inton 2026.
