Duagasut pay a Pilipino iti saan a naisalakan iti ima ti sindikato iti Golden Triangle a maysa iti major hubs dagiti ilegal nga aktibidad iti intero a lubong.
Ti Golden Triangle ket pagdalyasatan iti borders ti Myanmar, Thailand ken Laos.
Segun ken ni Nicholas Felix Ty nga undersecretary in charge iti Inter-Agency Council Against Trafficking iti Department of Justice, idi 2023 ket ginasut a Pilipino iti naisalakan iti peggad iti nasao a rehiyon.
Iti baet ti napasamak ket adu a Pilipino iti maay-ayo a makigasang-gasat ta maipariten iti Pilipinas dagiti offshore gaming hubs.
Impaganetget ni Ty a saan a nagkurang ti DOJ a mangballaag ken mangipakaammo kadagiti Pilipino ti peggad iti panangserrek iti kas ti nasao a trabaho ngem ipilitda latta ta maay-ayoda iti nangato a sueldo.
Binalakadan ni Ty dagiti Pilipino nga agtrabaho iti abroad a siguradoenda a sumursurotda ti employment processes iti paglintegan ti pagilian a kas iti panagala ti permit manipod Department of Migrant Workers (DMW).
