--Ads--
Umabot iti duapulo a pagtaengan ti nadadael iti ili ti Santa gapu iti Super Typhoon Uwan.
Iti pannaki-uman ti Bombo Radyo Vigan ken ni Vince Clyde Cardenas, Municipal Disaster Risk Reduction and Management Officer iti nasao nga ili, umabot met iti 405 a pamilia ti naibakwit kadagiti uppat nga evacuation center iti ili.
Nagtitinnulong dagiti kameng ti MDRRMO, Philippine National Police, Bureau of Fire Protection, ken Philippine Coast Guard tapno madalusan dagiti debris ti kayo a makasali kadagiti kalsada.
Nagtalinaed met iti normal ti lebel ti danum iti Abra river kagiddan ti iduduprak ti bagyo.
-- ADVERTISEMENT --
