--Ads--
Narekobren a bangkay dagiti dua a mapukpukaw a pasahero ti limned a motorbanca sadiay Mapanuepe Lake San Marcelino, Zambales idi Agosto 27.
Basar iti impormasyon nga inruar ti Philippine Coast Guard (PCG), karaman kadagiti narekobre ti bangkay ti maysa a menor de edad a babai ken maysa a menor de edad a lalaki, agpada a nakita dagiti umili ti Barangay Buhawen, 50 a metro manipud iti nakapasamakan ti insidente.
Segun kenni PCG Spokesperson Commodore Noemie Cayabyab, agtultuloy pay laeng ti search and rescue operations dagiti kameng ti PCG para iti sabali pay a mapukpukaw a pasahero ti motorbanca.
