Pinaayaban ti Senado para iti maika-sangapulo ket maysa nga aldaw ti impeachment trial inton Agosto 3 dagiti dua nga auditor’s ti Commission on Audit.
Daytoy ket paset iti agtultuloy a panangtratar iti Article I ti articles of impeachment wenno ti confidential funds kontra ken ni Vice President Sara Duterte.
Basar iti manifestation ni House Prosecutor Gerville Luistro ket kiniddaw na daytoy ken ni Presiding Judge Chiz Escudero nga agirruar ti subpoena ad testificandum, subpoena duces tecum kada Roderick C. Wamil, dati nga state auditor ti COA Intelligence and Confidential Funds Office ken ni Celine May Del Campo, agdama nga state auditor ti COA ICFAO.
Karaman pay a mapaayaban ni Marivic Pareja, director ti House of Representatives Legislative Information Resources Management Department. Gagem ti prosekusyon nga aramaten dagiti testimonia da Wamil, Del Campo, ken Pareja tapno patibkeren dagiti ebidensia mainaig iti iregularidad ti panagaramat ti confidential ken intelligence fund.
