--Ads--
Kritikal ti kasasaad dagiti dua a Malaysian tourist gapu iti pananguram kadakuada ti maysa a lalaki idiay Ratchadamri Road, Bangkok, Thailand.
Nabigbig dagiti biktima a da Ong, lalaki, agtawen iti duapulo ket innem, ken ni Gan, babai, agtawen iti duapulo ket pito.
Ti met suspek ket agtawen iti tallopulo nga agnaed idiay probinsia ti Kaeo ti nasao a pagilian.
Mapapati a binuyatan ti suspek dagiti biktima iti thinner sa da inuram gapu iti kinaawan ti panggedan.
-- ADVERTISEMENT --
Matamtaming ni Ong iti Intensive Care Unit ti Police General Hospital, idinto a ni Gan ket maag-agasan iti King Chulalongkorn Memorial Hospital.
Pinadas ti suspek ti aglibas ngem dagus a natiliw ken naipan iti kustodia ti Lumpini Police Station para ti naan-anay nga imbestigasyon.
