--Ads--
Nadunor dagiti dua a drayber gapu iti panagdinnungpar dagiti minanehoda a motorsiklo iti national highway ti Barangay Bagani Campo, Candon City, Ilocos Sur.
Ti drayber ti KTM Duke 200 motorcycle ket lalaki nga agtawen iti tallopulo ket maysa, kinalubbonna ti maysa nga agtawen iti duapulo ket innem, agpada a taga-Lidlidda.
Ti met drayber iti XRM 125 motorcycle ket lalaki nga agtawen iti duapulo ket innem, taga-Balaoan, La Union.
Agpapa-amianan ti KTM idinto nga adda iti bangir a linya ti XRM.
-- ADVERTISEMENT --
Mapapati nga immagaw iti linya ti XRM isu a nagdinnungparda iti KTM.
Naipaagas iti ospital dagiti nadangran iti pasamak para iti naan-anay a pannakatamingda.
