VIGAN CITY – 2.6 milion a pisos a gatad ti fully grown marijuana ti pinarit ken inuram dagiti operatiba idiay boundary ti Brgy. Danac, Licungan, Sugpon ken Sitio Culliang, Brgy. Tacadang, Kibungan, Benguet.
Iti pannaki-uman ti Bombo Radyo Vigan ken ni P/Lt. Jerry Arizabal, hepe ti Sugpon Municipal Police Station, dua a lawas a binambantayanda sakbay a napanda iti nasao a plantasyon a ti kalawana ket 2,650 square meters.
13,200 a piraso ti fully grown marijuana ken tallo gasut a piraso iti bukel ti balligi a dinadael dagiti operatiba.
Awan ti cultivator a nadanunda iti nasao a plantasyon no di ket ti host laeng a pagsibug kadagiti naimula ti nakitada.
Naipanen dagiti marijuana samples idiay Philippine Drug Enforcement Agency Regional Office 1 para iti proper disposition.
