--Ads--
VIGAN CITY – Nasurok dua milyon a pisos a gatad ti marijuana ti dinadael dagiti pannakabagi ti linteg iti nagbebeddengan ti Ilocos Sur ken Benguet.
Iti pannaki-uman ti Bombo Radyo Vigan kenni PLt. Godofredo Ribuyaco, hepe ti Sugpon Municipal Police Station, inwayatda ti operasyon idiay Sitio Nagawa, Brgy. Caoayan, Sugpon ken Sitio Culiang ken Sitio Ogiyet, Brgy. Tacadang Kibungan, Benguet.
Nasurok kumurang sangapulo a ribo sangagasut lima pulo a fully grown marijuana ti dinadaelda iti dua aldaw nga operasyon ti PNP.
Pakabuklan a dua milyon dua gasut a ribo a pisos iti gatad dagiti marijuana a naparot ken nadadael ti lugar ngem awan ti nakemmeg a cultivator.
-- ADVERTISEMENT --
