--Ads--
Umabot iti 1,048 a kameng ti Philippine National Police ti napilaan iti kaso nga administratibo manipud Enero agingga Marso.
Maibasar iti rekord ti Affairs Service ti PNP, nangatngato daytoy no ikumpara iti 770 a pulis a napilaan iti kaso idi napan a tawen.
490 a kaso ti nairekord – 806 ti police non-commissioned officers, ken 242 met dagiti commissioned officers.
323 ditoy ti nairekomenda a mapatawan iti pannusa agraman dagiti 41 a dismissal, 64 a suspension, ken dadduma pay a disciplinary actions, idinto a 187 met ti nawaswas ti kasona.
-- ADVERTISEMENT --
Impaganetget ni PNP Chief Gen. Jose Melencio Nartatez Jr. nga agtultuloy ti panangpainget ti PNP iti internal monitoring-da tapno masigurado ti propesyonalismo iti kapulisan.
